Roma merr tri pikë ndaj Cremonese

21:13 | 22 Gusht 2022
K.B

Roma ka marrë një fitore ndaj Cremonese, por festa është zbehur me lëndimin e Nicolo Zaniolo.

Skuadra e Jose Mourinho ka marrë edhe fitoren e dytë këtë edicion, duke fituar minimalisht (1:0) ndaj Cremonese.

‘Giallorossi’ patën një moment të keq në minutën e 45’, kur Nicolo Zaniolo u obligua të linte fushën para kohe, pasi lëndoi dorën.

Në pjesën e dytë, Roma arriti të gjente golin që edhe ia dha fitoren, duke shënuar gol me anë të Chris Smalling, në minutën e 65’.

Goli erdhi nga një goditje nga këndi, ku topi gjeti anglezin që qëlloi saktë me kokë.

Roma merr kështu edhe fitoren e dytë në dy ndeshjet e para në Serie A, duke shkuar në gjashtë pikë. Cremonese mbetet pa pikë, me dy humbje të pësuara.

Shpërndaje në rrjete sociale

Lajmet më të lexuara

Të ngjashme

Foto lajm